|
SERVIZOS
Os servizos que se ofrecen dende o Punto de Información Catastral (PIC) son:
- Consulta e certificación de datos catastrais non protexidos e protexidos, de bens inmobles correspondentes a titulares non falecidos, que se personen no Punto PIC ou ben que realicen a correspndente autorización a favor dun terceiro.
-Certificacións catastrais negativas.
-Consulta polo titular catastral sobre información de solicitudes de axuda da PAC.
-Consulta e certificación de datos catastrais protexidos por titulares catastrais colindantes, titulares de dereitos reais, de arrendamento e aparcería e herdeiros.
-Información e asistencia ao cidadán. Confección de declaracións e utilización do asistente gráfico.
Aclaracións:
-No suposto de certificados que conteñan datos protexidos (datos de titularidade e valor catastral) só se expiden se o solicita o titular catastral ou persoa autorizada ou apoderada por él.
-No caso de solicitudes relativas ás "axudas da PAC" únicamente poderá acceder a este servizo o titular catastral da parcela ou o seu representante, non se admitirán autorizacións neste caso.
-No caso de solicitudes por parte dos "titulares ou cotitulares de dereitos reais, arrendamento ou aparcería" únicamente poderá acceder a este servizo o titular destes dereitos ou o seu representante, non se admitirán autorizacións neste caso.
-No caso de solicitudes por parte dos "herdeiros ou sucesores" únicamente poderán acceder a este servizo o herdeiro ou sucesor, ou o seu representante, non se admitirán autorizacións neste caso.
-Non poderán atenderse no PIC as solicitudes de aqueles que se amparen nalgún dos supostos de interese lexítimo e directo establecidos no artigo 53 do texto refundido da Lei do Catastro Inmobiliario.
a) Para a execución de proxectos de investigación de carácter histórico, científico ou cultural auspiciados por universidades ou centros de investigación, sempre que se califiquen como relevantes polo "Ministerio de Hacienda y Administraciones Públicas".
b) Para a identificación das fincas polos notarios e rexistradores da propiedade e, en particular, para o cumprimento e execución do establecido no título V.
Así mesmo o COETFG continuará traballando para introducir futuras melloras do servizo, sempre coa correspondente autorización do Catastro.
REQUISITOS E DOCUMENTACIÓN
Documentación para acceso a datos protexidos de titulares NON falecidos:
- Cando se actúe por “motu propio” requirirase unicamente a presentación do DNI ou documento identificativo en vigor do solicitante en todo caso.
- Si o solicitante é apoderado do titular catastral: poder notarial (orixinal e copia).
- Si o solicitante foi autorizado polo titular catastral: autorización (expresa, específica e por escrito) e copia do DNI ou documento identificativo en vigor do autorizante.
Documentación para acceso a datos protexidos de titulares ou cotitulares de dereitos reais, arrendamento e aparcería:
a) DNI do titular ou documentación acreditativa da representación.
b) Acreditación do dereito de propiedade: Nota simple do Rexistro da Propiedade, expedida nos 2 últimos meses anteriores á data da solicitude do acceso, na que figure como último titular rexistral o interesado.
c) Acreditación dos dereitos de arrendamento ou aparcería: Documento público ou privado do contrato de arrendamento ou aparcería. Acompañado do último recibo de pago da renda, e no seu caso, do documento acreditativo da vixencia do contrato de aparcería.
Documentación para acceso a datos protexidos por parte de herdeiros e sucesores:
a) DNI do titular ou documentación acreditativa da representación.
b) No caso de que o solicitante sexa o fillo ou cónxuxe viúvo, requirirase o libro de familia actualizado (ou certificado de nacemento, no caso do fillo).
c) Os demais herdeiros deberán presentar:
-No caso de que non exista testamento, a declaración de herdeiros.
-No caso de que exista testamento deberá aportarse éste, así como o Certificado do Rexistro Xeral de Actos de Última Vontade.
d) O legatario deberá aportar o testamento, así como o Certificado do Rexistro Xeral de Actos de Última Vontade.
e) No caso de que a titularidade castastral estea atribuida á herdanza yacente (Herdeiros de... ou expresión similar), o interesado debe acreditar a condición de membro ou partícipe da comunidade hereditaria, sen que sexa preciso acreditar o falecemento do causante.
Autorizacións:
- Por escrito.
- Expresas.
- Específicas: indicando que información se solicita e sobre que inmoble/s (pode indicar sobre tódolos inmobles da súa titularidade).
- Actualizadas (máximo 6 meses).
- Acompañadas de copia do DNI ou pasaporte do autorizante (non se admitirán documentos caducados).
- Poden aceptarse nun modelo distinto ó oficial, pero que cumpra as condicións anteriores.
Diferenza importante entre autorización e representación:
- Un representante pode autorizar a súa vez a un terceiro.
- Un autorizado non pode autorizar a outra persoa.
|